在艱難的日子同行

困難的事情，在疫情下更見艱難，但同一時間，鼓勵的事情在疫情下更感其可貴之處！

每年的中學文憑公開試（DSE）對每位應考的學生都是個充滿挑戰的時刻，從學習、溫習到應考整個階段都像攀山越嶺一樣，毫不簡單，可是在疫情下，一切就更是困難重重！在教會全職工作的Brian和Topaz，一直帶領著青少年組別，不但在培養年輕人的品格上不遺餘力，對他們學業上也投入了不少的關心。在今屆中學文憑公開試前的數個月裏，他們更主動提出在教會的區域中心給一班應屆考生溫書。對這幾個青少年來說，他倆給予的，不是一個「自修室」，而是一段同行的經歷。

Brian和Topaz本身也有自己繁忙的日程，但因為選擇陪伴應屆考生溫習，他們會和青少年溝通好時間，只要他們打算來溫書，二人就一定會預備好去中心開門及幫忙。除了預早騰出時間，他們更會購買些零食去鼓勵學生們，幫助他們補習不同的學科。有時當青少年在教會中心裏自己溫書時，Brian和Topaz仍然會「齋坐」陪伴。

對他們來說，在這段日子裏，除了幫助補足考生們學業上的需要、做他們的同行者去鼓勵他們外，也不忘教導青少年要有負責任的溝通，對於他們學習的態度，甚至是否出席溫習小組也要認真，不想放任他們「話嚟就嚟、話唔嚟就突然唔嚟」。所以與其說Brian和Topaz是補習老師、大哥哥姐姐、教會職工等等，筆者覺得他們是青少年的真心朋友！

其中參與溫習小組的應屆DSE考生的心聲：

綉和：我係嗰種自己一個人就好難專心讀書嘅人，同埋會成日喺無形中製造咗好多壓力俾自己。呢個學習小組令我feel到係同其他人一齊奮鬥，唔係孤軍作戰；一齊溫書，唔明會大家一齊諗下，都好開心有依段回憶！

除此之外，都好想感激Topaz同Brian佢哋會願意去好付出俾我地：有Brian幫我地溫數學，Topaz仲要深夜幫我溫中史。當我就嚟「唔得」嘅時候，又會幫我做心理輔導。好想喺呢度表達自己嘅感激，多謝佢地願意走extra miles同行，真係好feel到佢哋嘅關心同愛！！

正耀：我叫正耀，係今年DSE應屆考生。真係好感激Brian同Topaz為我地付出左好多。記得喺DSE前的幾個月時間，成日留喺Centre同我地溫書、幫助我地預備 DSE。佢地好有耐心同愛心陪伴我地，重成日用零食鼓勵大家。真係好開心同欣賞佢地不辭勞苦咁付出！

Hazel：好感激喺今年dse教會全職工們會開放centre比我地溫書，一黎有零食食；二黎有人喺度望住自己會有多啲動力溫書；三黎個氣氛會覺得好似唔係得自己一個去打呢場仗，有時呢個hea緊，第二個就捉返佢返黎：「要溫書喇！」Topaz同Brian比我感覺都唔係為開門而上黎，佢地好walk with我地，會鼓勵我地同陪我地溫書。成日都會喺centre撞到唔同人，就算唔識嘅都會同我地講：「加油！」所以好感激呢段時間唔同人對我地呢班考生嘅付出，知道會用左好多佢地私人時間，但係都願意陪我地行。

文：Yuki Sze